Raunveruleikastjarnan og snyrtivörumógullinn Kylie Jenner svarar fyrir sig.
Nafnlaus aðdáandi heldur úti Instagram-síðunni @KylieSnapchat og birtir daglega myndir og myndskeið af Kylie Jenner.
Í gær birti síðan um þriggja ára gamalt myndband af Kylie og skrifaði einn fylgjandi við myndbandið: „Vá hún er svo grönn hérna.
Annar fylgjandi skrifaði: „Hún var flottari þarna.“
Kylie Jenner svaraði fyrir sig og skrifaði við færsluna: „Ég eignaðist barn.“
https://www.instagram.com/p/B_Bd7CJFAHF/?utm_source=ig_embed
Raunveruleikastjarnan hefur áður opnað sig um líkamsímynd sína eftir að hún eignaðist dóttur sína Stormi.
„Brjóstin mín eru alveg þrefalt stærri, sem truflar mig. Ég er með slitför á brjóstunum. Maginn minn er ekki sá sami, mittið mitt hefur breyst, rassinn minn er stærri, lærin mín eru stærri,“ sagði Kylie í myndbandi á YouTube í fyrra.