Þórey Vilhjálmsdóttir, ráðgjafi hjá Capacent, og Magnús Orri Schram, fyrrverandi alþingismaður, eru nýtt par, en þau hafa bæði verið mjög áberandi í þjóðlífinu undanfarin ár. Ástin er ný af nálinni en DV lék forvitni á að vita hvernig skötuhjúin eiga saman þegar kemur að stjörnumerkjunum.
Magnús Orri er naut en Þórey er ljón. Tveir afskaplega þrjóskir einstaklingar koma hér saman í ástarsambandi, sem getur orðið ansi hreint farsælt. Af hverju? Jú, því þessir tveir sterku einstaklingar vita upp á hár hvernig á að fóðra egó hins aðilans.
Í raun eru þarfir nauts og ljóns mjög svipaðar; bæði merki vilja vera elskuð og að það sé hugsað um þau. Ljónið elskar hrós og að vera dáð og dýrkað og nautið þarf einnig mikið af athygli. Sem elskhugar eru þau trygglynd og svíkja ekki fólkið sem stendur þeim næst.
Bæði merki elska þægindi og lúxus og eru einnig afar kappsöm. Þau elska að vera í stjórnunarstöðum og þessi þörf fyrir að stjórna og hafa rétt fyrir sér hjá þeim báðum getur orðið til þess að babb komi í bátinn í sambandinu. Þau þurfa því að leggja sig fram við að skilja þarfir hvort annars og kunna að miðla málum. Rifrildi um hver á að stjórna geta skemmt allt og því þurfa þau að tala vel saman og átta sig á hlutverkum sínum innan sambandsins frá fyrsta degi.
Magnús Orri
Fæddur: 23. apríl 1972
Naut
-áreiðanlegur
-þolinmóður
-hagsýnn
-ábyrgur
-þrjóskur
-eigingjarn
Þórey
Fædd: 18. ágúst 1972
Ljón
-skapandi
-ástríðufull
-gjafmild
-hlý
-þrjósk
-hrokafull
