Robyn Crawford, sem er sögð hafa verið laumukærasta söngdívunnar Whitney Houston lýsir því í nýútgefnum endurminningum sínum hvernig henni leið þegar Whitney gekk í hjónaband með Bobby Brown á sínum tíma.
„Tilfinningarnar voru yfirþyrmandi. Ég horfði í augun á henni er ég tók við brúðarvendi hennar“
„Við ræddum aldrei um merkimiða á borð við lesbíur eða samkynhneigð,“ segir Robyn í endurminningunum. Hún segir að samband þeirra hafi hafist sem vinskapur sem varð fljótlega kynferðislegur. „Þetta gerðist sumarið eftir að við hittumst, varir okkar snertust í fyrsta sinn. Þetta var ekki eitthvað sem við ætluðum okkur, þetta bara gerðist. Og það var dásamlegt. Ekki löngu síðar eyddum við nóttinni saman. Það kvöld snertum við hvor aðra, og það gerði okkur bara nánari.“
Robyn segir að Whitney hafi slitið sambandinu af ótta við að eyðileggja feril sinn. „Hún sagði að ef fólk kæmist að þessu þá yrði þetta notað gegn okkur, og á þessum tíma á áttunda áratugnum þá fannst manni það“ Þær voru þó áfram um árabil nánar vinkonur og því var Robyn brúðarmey í brúðkaupi Whitney er sú síðarnefnda giftist söngvaranum Bobby Brown árið 1992, en það hjónaband varð frægt fyrir deilur og átök milli þeirra hjóna.
Í viðtali þar sem Robyn kynnti bókina á dögunum sagði hún að hún hefði engan kala borið til Whitney eftir að hún batt enda á kynferðislegt samband þeirra.
„Mér fannst ég í raun ekki vera að tapa það miklu. Ég elskaði hana enn og hún elskaði mig, við vorum bara nánar með öðrum hætti“
