Kona segir frá því hvernig hún og eiginmaður hennar stunduðu kynlíf með vændiskonu í tilefni tíu ára sambandsafmælis þeirra. Hún segir reynsluna hafa verið „valdeflandi“ í viðtali við Shesaid.
Konan segir að hún hafi verið vandræðalegur og feiminn unglingur og hafi aldrei farið í einhverja kynferðislega tilraunastarfsemi. Eiginmaður hennar var sá eini sem hún hafði sofið hjá, en síðustu tíu ár hefur hún orðið öruggari í líkama sínum og segir kynverund sína hafa „blómstrað.“
Hjónin eru frá Bandaríkjunum og ferðuðust til Las Vegas til að fagna tíu ára sambandsafmæli. Þar er vændisstarfsemi lögleg.
Konan byrjaði að skoða vændishús og ákvað að hún vildi fara í trekant með annarri konu og segir að þetta hafi verið meira „fyrir hana“ heldur en eiginmann sinn.
Síðasta kvöldið í Las Vegas þá var komið að þessu. Þau fóru á vændishús og bókuðu herbergi. Þau eyddu smá tíma í að tala við konurnar þar til þau fundu eina sem lét þeim líða „einstaklega þægilega.“
„Trekanturinn var í fyrsta skipti sem ég skipulagði kynferðislega upplifun aðeins fyrir mig og mína ánægju, og utan félagslegra norma, þetta var valdeflandi,“ segir konan.
Síðan þau komu heim hefur eiginmaðurinn haldið trekantinum leyndum, annað en hún.
„Ég hef sagt systur minni, vinkonum mínum og meira að segja nágranna eftir aðeins of mörg rauðvínsglös,“ segir hún.
Hún vonast til að hennar saga hvetji konur til að eltast við drauma sína og þrár.