Ása Hulda Oddsdóttir er 26 ára viðskiptafræðingur, módel fitnesskeppandi og CrossFittari. Hún hefur brennandi áhuga á öllu sem tengist hreyfingu og heilbrigðum lífsstíl. Hún heldur úti vinsælli Instagram-síðu og bloggar á Lady.is.
Hún deilir tveimur myndum af sér á Instagram. Ein myndin er af Ásu Huldu þegar hún hugsaði um lítið annað en hversu þung hún væri. Hin myndin er af henni í dag, heilbrigð og hamingjusöm.
View this post on Instagram
„Ert þú ein af þeim sem ert með vigtina á heilanum? Ég var gjörsamlega með vigtina á heilanum og átti það til að stíga á vigtina nánast daglega! Málið er að vigtin segir þér svo ótrúlega lítið,“ segir Ása Hulda.
„Ég er jafn þung á myndunum. Í dag stíg ég nánast aldrei á vigtina og mér er í raun alveg sama hversu þung ég er,“ segir hún.
„Vinstri myndin er tekin 2011. Ég hreyfði mig ekkert og hugsaði ekkert út í mataræðið mitt. Mér leið ekki vel og ég var stanslaust þreytt og veik. Hægri myndin er tekin fyrir tveimur dögum síðan. Ég hef aldrei verið í betra líkamlegu ástandi eða sterkari en í dag og mér líður ótrúlega vel! Ég borða hollan mat og hreyfi mig nánast daglega.“
„Mér finnst þetta mjög mikilvæg skilaboð því það eru svo ótrúlega margar konur og stelpur sem eru í þessum sporum sem ég var í, að vera með þyngdina á heilanum,“ segir Ása Hulda í samtali við DV.
„Hættum að vera með vigtina á heilanum og horfum frekar á árangurs myndir!“
