Fyrsta ljósmyndin er komin úr kvikmyndinni Rams, en hún er endurgerð Hrúta í leikstjórn Gríms Hákonarsonar.
Stillan sýnir leikaranna Sam Neill og Michael Caton í burðarhlutverkunum og segir sagan frá sauðfjárbændum og bræðrum sem búa hlið við hlið. Fjárstofn þeirra bræðra þykir einn sá besti en þrátt fyrir það hafa bræðurnir ekki talast við í fjóra áratugi.
Breska framleiðslufyrirtækið WestEnd Films sér um framleiðslu á kvikmyndinni og fara tökur fram í vesturhluta Ástralíu.
Jules Duncan sér um handritið, sem er byggt á því upprunalega, og er myndinni leikstýrt af Jeremy Sims.
Kvikmyndin Hrútar sópaði til sín fjölda verðlauna, hérlendis sem erlendis. Hún hlaut 11 Edduverðlaun árið 2016, þar á meðal sem besta mynd ársins og þá hlaut myndin Un Certain Regard-verðlaun á kvikmyndahátíðinni í Cannes auk fjölda annarra verðlauna á alþjóðlegum kvikmyndahátíðum.
Búast má við endurgerðinni á næsta ári.
Read on Variety: First Look: Sam Neill and Michael Caton in ‘RAMS’ (EXCLUSIVE) https://t.co/k2mpqPg5EZ pic.twitter.com/7frwDrw5a3
— Aleixo Xabier (@AleixoXabier) November 3, 2018