Listaverki eftir myndhöggvarann Steinunni Þórarinsdóttur var stolið í borginni Baton Rouge, sem er í Louisiana fylki í Bandaríkjunum. Fréttastofa Rúv greindi frá því að 181 kílóa styttu sem sat á bekk í miðbæ Baton Rouge hafi líklega horfið í mars eða apríl síðastliðinn. Komst ekki upp um þjófnaðinn fyrr en nokkrum mánuðum seinna þegar flytja átti stytturnar til annarrar borgar. Styttan var hluti af verkinu landamæri og innihélt verkið fimm styttur.
Lögreglan á svæðinu hefur hafið rannsókn á þjófnaðnum og yfirheyrði hún meðal annars tökulið kvikmyndarinnar Greyhound, myndar sem óskarsverlaunarhafinn Tom Hanks bæði skrifaði handritið að og leikur aðalhlutverkið í. Ástæða þess að tökuliðið var yfirheyrt var vegna nálægðar tökustaðar við listaverkið og að hún hvarf á svipuðum tíma og upptökur áttu sér stað. Lögreglan leitar enn þá af þjófunum en finnist styttan ekki þurfa borgaryfirvöld í Baton Rouge að greiða sem samsvarar 6.5 milljónum króna fyrir styttuna.