Opnun veitingastaðarins Fjallkonan er handan við hornið og hefur opnun hans verið auglýst með eftirtektarverðri auglýsingaherferð. Þar má sjá myndaröð af nokkrum af þekktustu konum Íslands úr hinum ýmsu atvinnugreinum. Á meðal þeirra eru Dóra Júlía Agnarsdóttir, Margrét Erla Maack, Salka Sól Eyfeld, Sigga Dögg og Tara Mobee.
Staðurinn fær nafn sitt frá veitingahúsum frumkvöðulsins og kvennskörungsins Kristínar Dahlstedt sem opnaði fjölda veitingastaða á Íslandi frá árinu 1905. Í lýsingu nýja veitingastaðarins segir:
„Fjallkonan færði Íslendingum spennandi kræsingar og skemmtilega stemningu sem við viljum endurskapa á nútímalegan hátt.”