Elfar Þór Guðbjartsson, kvikmyndagerðarmaður, er með þættina Endalaus Óviska á YouTube. Sólborg Guðbrandsdóttir er gestur í nýjasta þættinum. Sólborg er söngkona, blaðakona og aktívisti sem heldur úti Instagram-síðunni Fávitar.
Elfar og Sólborg ræða um fíkn og edrúmennsku, ofbeldi í mörgum myndum og fleira. Elfar opnar sig í fyrsta sinn á opinberum vettvangi um kynferðisofbeldi sem hann varð fyrir í æsku.
„Þetta er í fyrsta skipti sem ég tala um þetta opinberlega […] En ég var misnotaður í sundi þegar ég var krakki. Ekki það sem telst gróf misnotkun en þar var maður sem var að [fróa sér] inn í gufubaðinu og var alltaf að klípa í typpin á okkur. Hann gerði þetta í mörg ár þarna,“ segir Elfar. „Eins og ég segi þá var það aldrei þannig, ég var með þannig vinahóp sem gerði lítið úr þessu.“
„Kynferðisofbeldi gagnvart körlum er oft þannig,“ segir Sólborg.
„Það var ekki fyrr en fyrir fjórum árum, þá sit ég þarna og hitti félaga minn. Við erum eitthvað að hlægja [og rifja þetta upp] og þá kemur svona augnablik, já við vorum samt misnotaðir í sundi. Hann var eitthvað: „Já en hvað eigum við að gera.“ Þá var þetta orðið svolítið þannig hugarfar. Og á þessum tímapunkti þegar maður var með þetta viðhorf þá var maður ekki eins meðvitaður um það, þetta hafði ekki þannig lagað skelfileg áhrif,“ segir Elfar Þór. „Ég las svo í blaðinu mörgum árum seinna að maður hafði verið að gera þetta í gufubaðinu. Það var strákur sem kvartaði og ég hef ekki séð manninn í sundlauginni síðan,“ segir Elfar Þór.
„Pældu í því hvað einstaklingar hafa komist upp með að brjóta gagnvart strákum í langan tíma þar sem því hefur verið slegið upp í grín,“ segir Sólborg.
„Strákar [að grínast sín á milli]. Varnarviðbrögð því strákum má ekki finnast ofbeldi gagnvart þeim alvarlegt og þeim má ekki líða illa yfir því þá er þetta meira svona svo við getum [höndlað þetta] þá skulum við grínast með þetta,“ segir Sólborg og bætir við að henni þyki það leiðinlegt að þetta hafi komi fyrir hann.
„Þetta er skelfilegt,“ segir Elfar. Sólborg tekur undir: „Ömurlegt.“
Elfar segir þetta ekki hafa haft mikil áhrif á hann en hafði þau áhrif að hann hætti að taka mark á fullorðnu fólki. „Eina sem ég sé eftir er að lesa greinina mörgum árum seinna, þar var lítill strákur sem var hræddur, var ógnað. Hann hafði ekki eins og ég hafði, vinina,“ segir Elfar.
„Mundu samt að þú barst ekki ábyrgð sem lítill strákur að stoppa þennan mann sem kom svona fram við ykkur,“ segir Sólborg.
„Þið voruð börn sem voruð beitt ofbeldi […] Þessi gaur bar ábyrgð á því að vera fokking ógeð.“
Horfðu á þáttinn í heild sinni hér að neðan.
