Laugardagur 14.desember 2019
Fókus

Yfirheyrslan – Edda Björgvins: Mesta áhættan að vera flugfreyja hjá Iceland Express

Íris Hauksdóttir
Sunnudaginn 17. nóvember 2019 12:39

Ekki missa af Helstu tíðindum dagsins í pósthólfið þitt

Lesa nánar

Eddu Björgvinsdóttur þarf vart að kynna en hún hefur starfað sem leikkona um langa hríð. Edda segist hafa ómælda þörf fyrir að bæta sífellt við sig menntun enda sé fróðleiksfýsn hennar stærsta ástríða. Edda er í yfirheyrslu helgarinnar.

Hvar líður þér best?
Með fólki sem ég elska og fólki sem ég hlæ mikið með, ef ég er ein þá líður mér best í sundi.

Hvað óttastu mest?
Að missa fólkið sem ég elska.

Hvert er þitt mesta afrek?
Að hafa framkvæmt allt sem ég hef komið í verk þrátt fyrir að minn sólarhringur sé aðeins 24 klukkustundir eins og annarra. Alltaf unnið 150% – minnst. Og svo auðvitað börnin mín fjögur sem öll eru fullkomin!

Furðulegasta starf sem þú hefur tekið að þér?
Starfið mitt, leiklistin, býður nánast eingöngu upp á furðulegar uppákomur og aðstæður.

Hver væri titillinn á ævisögu þinni?
Hún er svo happy þetta helvíti! En ef pabbi fengi að ráða titlinum myndi hún heita: Var valin Borgarlistamaður og fékk Fálkaorðuna sama dag.

Hvernig væri bjórinn Edda Björgvins?
Hann væri að sjálfsögðu lífrænn og héti Edda organic.

Besta ráð sem þú hefur fengið?
Amma mín sagði alltaf: Aðalatriðið er að vera manneskja, þegar ég kvartaði yfir því að ég væri feit, ófríð eða púkaleg.

Hvert er leiðinlegasta húsverkið?
Að ganga frá drasli, raða í hillur og vaska upp.

Besta bíómynd allra tíma?
La Vita e Bella.

Hvaða hæfileika myndir þú vilja búa yfir?
Endalausri þolinmæði, umburðarlyndi og svo öfunda ég alla sem hafa fallega söngrödd.

Hver er mesta áhætta sem þú hefur tekið?
Líklega að vera flugfreyja hjá Iceland Express, þetta skilja þeir sem komu inn í flugvélarnar sem við ferðuðumst með.

Hvaða frasi eða orð fer mest í taugarnar á þér?
Mjög margir frasar pirra mig. Mig skortir ævinlega umburðarlyndi gagnvart þeim frösum sem taka yfir hverju sinni.

Hvaða geturðu sjaldnast staðist eða ert góð í að réttlæta að veita þér?
Sælgæti er minn versti óvinur! Og það sorglega er að ég hef hroðalegan smekk á sælgæti.

Hvað er á döfinni hjá þér?
Fjölmörg verkefni í Þjóðleikhúsinu og alls konar sjónvarps- og kvikmyndaverkefni. Ég er lukkunnar pamfíll!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Ungur íslenskur drengur er leiður – „Solla í hinum bekknum fékk iPhone í skóinn í gær“

Ungur íslenskur drengur er leiður – „Solla í hinum bekknum fékk iPhone í skóinn í gær“
Fókus
Fyrir 2 dögum

Friðrik Ómar afhjúpar erfiðasta samstarfsmanninn: „Ég er alltaf að hugsa að hætta að vinna með honum“

Friðrik Ómar afhjúpar erfiðasta samstarfsmanninn: „Ég er alltaf að hugsa að hætta að vinna með honum“
Fókus
Fyrir 4 dögum

„Hvern andskotans djöfulinn eruð þið að þvælast…“ Af Gústa guðsmanni

„Hvern andskotans djöfulinn eruð þið að þvælast…“ Af Gústa guðsmanni
Fókus
Fyrir 4 dögum

Hlustaðu á vinsæl íslensk jólalög komin saman í einni syrpu

Hlustaðu á vinsæl íslensk jólalög komin saman í einni syrpu