Netheimurinn eitt stórt spurningarmerki – Eru þær skyndilega orðnar vinkonur? – „Swingers“
Kim Kardashian og Amber Rose komu ansi mörgum á óvart í morgun þegar þær birtu mynd af sér saman á Twitter. Kardashian er eins og kunnugt er gift rapparanum Kanye West en hann var lengi í sambandi með Rose.
Erlendir fjölmiðlar hafa veitt myndinni mikla athygli enda kom hún eins og þruma úr heiðskíru lofti. Stutt er síðan að West, eiginmaður Kardashian, og rapparinn Wiz Khalifa, barnsfaðir Rose, áttu í hörðum deilum og spöruðu þeir ekki stóru orðin á samfélagsmiðlum.
Vegna deilunnar birti Rose meðal annars færslu þar sem hún sagði að West væri sár því hún vildi ekki leika við hann lengur.
Við myndina sem birtist í morgun skrifaði Kardashian: „Vill einhver te.“
Rose skrifaði einfaldlega: „Swingers“ en óljóst er hvað hún á við með því, þar sem orðið hefur ýmsar merkingar. Meðal annars makaskipti.
Myndin hefur því vakið upp margar spurningar eins og hvort að Rose og Kardashian séu skyndilega orðnar vinkonur.
Engar skýringar hafa hins vegar verið gefnar upp hvers vegna myndin var tekin og hvað þær Rose og Kardashian voru að gera saman. Þá er óvitað hvenær myndin var tekin en erlendir miðlar segja að hún nýleg, miðað við hárgreiðslu Kardashian.
Tea anyone? pic.twitter.com/HbkIJa998c
— Kim Kardashian West (@KimKardashian) February 2, 2016
//platform.twitter.com/widgets.js
Swingers ?☕️ pic.twitter.com/S5AgWlWO7x
— Amber Rose (@DaRealAmberRose) February 2, 2016