Einbýlishús við Bakkaflöt 12 í Garðabæ hefur verið sett á sölu. Eignin er auglýst á fasteignavef Mbl.is.
Um er að ræða rúmlega 230 fm einbýlishús í Garðabæ. Húsið er í mikilli niðurníðslu og selst í því ástandi sem það er. Það vantar nokkra veggi, flesta glugga, hurðir og gólf. Það er tekið fram á Mbl.is að það séu margir möguleikar varðandi breytingar og stækkun hússins. Lóð hússins er 889 fm.
Húsið er staðsett í botnlanga og eru nágrannarnir ekki af verri endanum. Söngkonan Birgitta Haukdal og fjármála- og efnahagsráðherra Bjarni Benediktsson eiga heima í götunni.
„Einstakt tækifæri til að eignast hús á besta stað í Garðabæ!“ Stendur í auglýsingunni.
