Parið á von á barninu í haust, en aðeins er rúmt ár liðið frá hörmulegu andláti fyrrverandi eiginmanns hennar, Jeff Baena, sem svipti sig lífi í janúar í fyrra.
Plaza er 41 árs en Abbott 40 ára og eru þau sögð afar þakklát og spennt fyrir komandi tímum.
Plaza og Abbott hafa þekkst um árabil en þau kynntust árið 2019 við tökur á sjálfstæðu kvikmyndinni Black Bear. Síðar léku þau saman á sviði í Off-Broadway uppsetningu leikritsins Danny and the Deep Blue Sea árið 2023.
Parið vakti síðast athygli opinberlega í febrúar þegar þau mættu saman á tískusýningu New York Fashion Week, þar sem þau sátu saman í fremstu röð.
Abbott er meðal annars þekktur fyrir hlutverk sitt í HBO-þáttunum Girls. Hann hefur einnig komið fram í myndum á borð við First Man, Poor Things og Kraven the Hunter. Plaza sló fyrst í gegn í þáttunum Parks and Recreation og þá fór hún með eitt af aðalhlutverkunum í annarri þáttaröð White Lotus.
Ekki hefur verið greint frá kyni barnsins.
Í þessari frétt er fjallað um sjálfsvíg. Ef einstaklingar glíma við sjálfsvígshugsanir er bent á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
