Þau Jóhann Páll Jóhannsson, umhverfis-, orku- og loftslagsráðherra, og kona hans, Anna Bergljót Gunnarsdóttir efnafræðingur, hafa eignast sitt annað barn en drengur kom í heiminn þann 1. apríl.
Frá þessu greinir ráðherrann á Facebook-síðu sinni og kemur þar fram að móður og barni heilsast vel.
Fyrir eiga þau hjón eina dóttur sem fæddist árið 2023.
Jóhann Páll, sem er fæddur árið 1992, varð alþingismaður fyrir Samfylkinguna árið 2021 eftir frægðarferil sem blaðamaður á DV og Stundinni. Hann varð ráðherra við myndun núverandi ríkisstjórnar 21. desember 2024.
