Söngkonan, sem varð 65 ára á miðvikudag, skartar ljósu stuttu hári sem margir segja að geri hana nánast óþekkjanlega. Aðdáendur hafa hrósað henni í hástert og segja hana hafa yngst um mörg ár.
Boyle, sem heldur úti Instagram-síðu með um 176 þúsund fylgjendum, heldur fylgjendum sínum upplýstum með svipmyndum úr sínu daglega lífi, allt frá hádegisverðum með vinum til viðburða með þekktum stjörnum.
Viðbrögðin létu ekki á sér standa eftir nýjustu færslu hennar. „Susan, þú lítur stórkostlega út,“ skrifaði einn aðdáandi og annar sagði: „Nýi liturinn er fullkominn á þér, þú hefur yngst um mörg ár.“
Þrátt fyrir alþjóðlega frægð hefur Susan Boyle haldið fast í rætur sínar og er hún þekkt fyrir mikla hógværð. Hún hefur lengi búið í bænum Blackburn í Skotlandi og hafa heimamenn lýst henni eins og hverjum öðrum bæjarbúa.
Daily Mail ræddi til dæmis við starfsmann kaffihúss sem Boyle sækir reglulega. „Hún er í raun mjög venjuleg. Hér er hún engin stórstjarna. Hún kemur inn glöð, gefur manni faðmlag og fær sér hrærð egg, ristað brauð og tebolla.“
Þá sögðu nágrannar hennar að hún leggi sitt af mörkum til góðgerðarmála án þess að gera mikið úr því. „Susan hefur aldrei gleymt hvaðan hún kemur. Hún hefur tíma fyrir alla og hjálpar mörgu fólki, en talar aldrei um það,“ sagði einn þeirra.
Hér má svo sjá augnablikið þegar hún varð heimsfræg á einni nóttu:
