Stórsveitin KALEO hefur boðað til stórtónleika á Þingvõllum ásamt võldum tónlistarmõnnum þann 20.júní næstkomandi á sjálfri sólstõðuhelginni. 

Stuðmaðurinn Jakob Frímann Magnússon er skipuleggjandi viðburðarins líkt og á hinni rómuðu tónlistarhátíð Vor í Vaglaskógi síðastliðið sumar sem þótti takast með eindæmum vel.

Meðal þeirra sem fram koma auk KALEO eru Emilíana Torrini, Mugison, GDRN, Júníus Meyvant, KK, Árný Margrét, Helgi Bjõrns og Stuðmenn auk fjõlda annarra sem koma fram á tveimur sviðum; Dynbergi og Valhallarsviði.

Boðið verður upp á sætaferðir fram og til baka og þó sjálf miðasalan hefjist ekki fyrr en 9.apríl er þegar hægt að skrá sig á forgangslista og afla helstu upplýsinga á vefnum: keytoiceland.is

Formaður Þingvallanefndar Sigurður Helgi Pálmason og tónleikahaldarinn Jakob Frímann Magnússon undirrituðu sõgulegan samning um viðburðinn nú í vikulokin að undangenginni margra mánaða vinnu við greiningu lykilþátta, úttekt innviða, bílastæða, öryggis- og umferðarmála.

Stefnt er að 20.000 manna viðburði og er þegar ljóst að mikill fjõldi erlendra gesta er á leið til landsins úr stórum hópi aðdáenda KALEO, enda er sveitin í hópi mest streymdu listamanna samtímans með yfir fjóra milljarða streyma á helstu tónlistarveitum heimsins á borð við Spotify, Apple og Tidal.

Nýsamþykkt stefna um þjóðgarðinn á Þingvõllum kveður á um mikilvægi þess að fjölga heimsóknum landsmanna á þennan sögufræga stað og halda á lofti merkri sõgu hans allt frá landnámi. Þingvellir hlutu árið 2004 skráningu á Heimsminjaskrá UNESCO meðal annars sökum merkrar menningarsõgu.

KALEO  viðburðurinn, sem hefur hlotið nafnið Bergmál á Þingvõllum mun vafalítið fjölga heimsóknum landsmans  í þjóðgarðinn umtalsvert, en yfir háannatíma eru daglegir gestir þar á bilinu 7.000 – 10.000, og 90% þeirra eru erlendir ferðamenn.