Donna Mills hefur opnað OnlyFans aðgang, 85 ára að aldri. Leikkonan, sem þekkt er úr sjónvarpsþáttunum Knots Landing, óttast ekki að vera elsti efnishöfundur OnlyFans.
„Elskan, ég hef verið í þessum bransa í yfir 50 ár ... ég hef séð alla tískustrauma koma og fara. Þegar eitthvað nýtt kemur upp sem gerir mér kleift að tala beint við fólkið sem hefur fylgt mér frá Knots Landing, af hverju ætti ég ekki að stökkva inn í? Aðdáendur mínir munu sjá hver ég er í raun og veru: góðu hárdagana, slæmu hárdagana og allt þar á milli. Fólk heldur áfram að spyrja mig af hverju núna. Af hverju ekki núna? Lífið er of stutt til að sitja á hliðarlínunni. Aðdáendur mínir hafa gefið mér allt og þetta er mín leið til að leyfa þeim að komast aðeins nær.“
„Donna hringdi í mig og sagði þrjú orð: Ég er með. Þannig er hún, hikar ekki,“ bætti Andy Bachman, forstjóri Creators Inc. framleiðslufyrirtækisins. „Hún hefur eytt fimm áratugum í að heilla áhorfendur og nú fær hún að gera það án handrits, sjónvarpsstöðvar eða reglna annarra. Fyrsta síða Donnu Mills handbókarinnar hefur alltaf verið: gerðu það á þinn hátt.“
Sápuþáttastjarnan staðfesti nýja starfsferilinn við Variety á fimmtudag.
„Ég hef alltaf metið þann ótrúlega stuðning og hvatningu sem ég hef fengið frá aðdáendum mínum í gegnum árin,“ sagði hún. „Samfélagsmiðlar hafa verið frábær leið til að halda sambandi, en ég er spennt að ganga til liðs við OnlyFans því það býður upp á tækifæri til persónulegri og beinna tengsla.“
Mills mun „deila stundum úr daglegu lífi sínu, innsýn á bak við tjöldin og eiga samskipti við aðdáendur á innihaldsríkari hátt“ á nýja OnlyFans reikningnum sínum.
Mills varð fræg fyrir hlutverk sitt sem Abby Cunningham í sápuóperunni Knots Landing frá 1980 til 1989. Hún varð þekkt fyrir djörfung og glæsileika sem hún býr enn að í dag.
Í apríl svaraði Mills gagnrýni netverjasem skrifaði athugasemd við færslu hennar: „Þú notar of mikinn farða miðað við aldur.“
„Ó, þessi athugasemd. Ég held að ég hafi ekki fengið minnisblaðið,“ sagði hún hlæjandi í svarmyndbandinu sínu, klædd leðurjakka, blúndubol og gallabuxum ásamt glansandi bleikum varalit .
„Vildirðu að ég liti svona út?“ spurði hún á meðan myndbandið sýndi hana klædda sem dæmigerða eldri konu með gráan hársnúð, í blússu með gleraugu og perlur.
„Fyrirgefðu, ekki fyrirgefðu. Mér líkar útlitið mitt. Þetta er minn stíll. Og stíll hefur engan fyrningardag, er það nokkuð?“ sagði hún.
