Stuttu eftir að hafa talað um nýjan maka sinn, Caspar Jopling, í fyrsta skipti, er leikkonan Olivia Wilde farin að opna sig enn frekar um skoðanir sínar í svefnherberginu.
Samband Wilde og Harry Styles vakti mikla athygli, sem og skilnaður hennar við fyrrverandi unnusta sinn, leikarann Jason Sudeikis. Wilde sagði nýlega í viðtali við The Cut um samband sitt við listaverkasalainn Jopling: „Þegar þú ert með einhverjum sem er ekki í skemmtanabransanum eða er ekki þekkt persóna, þá fæ ég tilfinningu fyrir því að „ég vil vernda þennan einstakling eins mikið og ég get.“ Sagði hún samband þeirra Jopling vera yndislegt.
Wilde mætti næst í viðtal í The Louis Theroux Podcast, þar sem hún ræddi náin (eða ekki svo náin) málefni eins og „dauða í rúminu“ og skilnað í svefnherberginu.
„Að hvaða niðurstöðu komstu að um það hversu mikið kynlíf er eðlilegt?“ spurði Theroux Wilde.
„Ég held að raunveruleg niðurstaða mín sé sú að ekkert kynlíf sé ekki eðlilegt og það er eitthvað sem ég held að margir hafi misskilið,“ sagði hún áður en hún hikaði við hvort hún ætti að opna sig meira.
Theroux minnti Wilde á fyrri yfirlýsingar hennar þar sem hún sagði að „ef það er ekkert kynlíf í sambandinu þá er það ekki gott teikn“. „Þetta er ekki gott teikn. Ég held það virkilega,“ svaraði hún. „Já, rúmdauði.“
Wilde hefur þó ekkert á móti því að sofa í öðru rúmi en maki hennar. Reyndar finnst henni það „kynþokkafullt“. Theroux sagði slíkt fyrirkomulag kallast „skilnaður í svefnherberginu“, sem ekki má rugla saman við dauða í rúminu, sem er örugglega „slæmt teikn“, að sögn Wilde.
Wilde viðurkennir að vera aðdáandi „langs aðdraganda kynlífs“.
„Ég held að það sé eitthvað svo tantrastískt við langan aðdraganda kynlífs. Ég held að það sé eitthvað sem við gerum þegar við erum á stefnumótum þar sem við segjum: „Hittumst í næstu viku, eigum við að borða kvöldmat næsta fimmtudag?“ og þá er það bara: „Já, auðvitað,“ og það sem við erum í raun að segja er: „Viltu stunda kynlíf næsta fimmtudag?“ útskýrði Wilde og sagði að hún nyti þess að „hlaða upp spennu hægt og rólega“.
