Óskarsverðlaunahafinn Matt Damon, sem leikur goðsagnakenndu grísku hetjuna Ódysseif í stórmynd Christopher Nolan, gefur kvenkyns áhættuleikara sínum allan heiðurinn af nokkrum af bestu hasaratriðum og líkamlegum ávinningi myndarinnar.
Í hlaðvarpinu Happy Sad Confused talaði Damon um þær erfiðu líkamlegu kröfur sem fylgdu hlutverkinu. Damon grennti sig niður í 74 kíló fyrir hlutverkið, en viðurkenndi í nokkrum af glæsilegustu líkamlegu atriðum hans á skjánum hafi hann alls ekki verið í mynd.
Damon útskýrði hvernig framleiðsluteymi Nolan notaði myndavélabrögð til að túlka risavaxnar Laestrygon-mannæturnar og sagði að hávaxnir áhættuleikarar hefðu verið fengnir til að láta persónu hans líta minni út í samanburði. (Sjálfur er Damon 178 sm á hæð). Hins vegar, þegar kom að því að áhættuleikara fyrir Damon í hlutverki Ódysseifs í þessum flóknu myndavélauppsetningum, réði framleiðslan konu.
„Áhættuleikarinn minn var kona, sem er með flottustu handleggina sem ég hef nokkurn tímann séð.“
Damon grínaðist með að ótrúleg líkamsbygging Devyn Dalton, léti æfingarútínu hans líta út fyrir að vera hallærislega og bætti við að hann vildi þakka henni sérstaklega og persónulega fyrir að hafa ssett vöðvastælta persónu sína á hærra stig fyrir framan myndavélarnar.
„Ég þakkaði henni fyrir allt sem hún lagði í þetta,“ hló Damon. „Svo það voru næstum 100% hendurnar mínar í myndinni. Maður verður að gefa kredit þar sem það á skilið!“
Damon var ekki eini leikarinn sem lagði óendanlega vinnu í að komast í form til að líta út eins og forn grísk hetja. Tom Holland, sem leikur Telemakkos, son Ódysseifs, gekkst undir erfiða styrktar- og þjálfunarrútínu sem ýtti honum langt fram úr Köngulóarmannslíkamanum .
Holland sameinaði náttúrulega fimleikareynslu sína við mikla þolþjálfun til að bæta við hráum vöðvamassa og stefndi að því að ná hámarks íþróttaformi til að takast á við krefjandi hlutverk.
Áhættuleikarar í framleiðslunni sögðu Holland meira að segja „svo hraustan að hann getur bókstaflega gert hvað sem er“ á meðan hann tók þátt í krefjandi útitökum víðsvegar um Grikkland, Ítalíu og Marokkó ásamt Damon.
Á meðan undirbjó Anne Hathaway, sem leikur Penelope, sig með mikilli hreyfigetu og þreki til að takast á við líkamlegar aðstæður á setti. Tökur á staðnum í erfiðu veðri og ófyrirsjáanlegum sjógangi krafðist þess að allur hópurinn æfði sig meira eins og leiðangurslið en hefðbundið kvikmyndaleikaralið.
Damon hefur rætt það í kynningarviðtölum myndarinnar að allir leikarar hefðu þurft að sætta sig við töluverð „líkamleg óþægindi“ og viðurkenndi að svefn hafi oft verið takmarkaður við fimm klukkustundir á nóttu þar sem leikararnir reyndu á líkamann til hins ýtrasta til að passa við raunsæja, tölvugrafíkulausa sýn Nolans.
Þrátt fyrir hörmulegt veður á öllum tökustöðum hrósaði Damon meðleikurum sínum fyrir framlag þeirra og brelluteyminu fyrir að leggja hart að sér til að vekja þessa fornu goðsögn til lífs og koma henni á hvíta tjaldið.
