„Hann er 22 ára. Hafðu það internet,“ segir grínistinn Kathy Griffin í færslu á samfélagsmiðlum. Ekki kemur fram hvað maðurinn heitir eða hvað hann gerir.
Griffin, sem hefur leikið í fjölda kvikmynda og sjónvarpsþátt í gegnum tíðina, er 65 ára gömul. Aldursmunurinn er því 43 ár. Griffin er einni þekktur uppistandari og kom meðal annars fram í Eldborgarsal Hörpu árið 2017.
Ekki eru nema tveir mánuðir síðan Griffin birti mynd af sér með öðrum nýjum kærasta, en sá virtist vera mun nærri henni í aldri.
„Við erum á föstu á instagram. Takist á við það,“ sagði Griffin í færslu í maí. En þeirri ljósmynd hefur þegar verið eytt af samfélagsmiðlareikningum hennar. Lítur því út fyrir að það hafi verið skammlíft samband.
Ef marka má viðbrögð aðdáenda Griffin á samfélagsmiðlum eru þeir himinlifandi með hina nýfundnu ást.
„Njóttu. Bara ekki tala um sjónvarpsþætti eða tónlist,“ sagði einn.
„Náðu því mamma,“ sagði annar.
Þetta er hins vegar ekki í fyrsta skipti sem Griffin er í sambandi með mun yngri manni. Í desember síðastliðnum greindi hún frá því að vera í sambandi með 23 ára manni.
„Ég varð óvart ástfangin af 23 ára manni,“ sagði hún í færslu. En það var skömmu eftir skilnað hennar frá leikaranum Randy Bick.
