Leikkonan Angelina Jolie hefur greint frá því að hún hafi ekki verið með neinum síðan hún skildi við Brad Pitt fyrir næstum áratug.
Jolie sem sjaldan hefur tjáð sig um ástarlíf sitt lét þessi ummæli falla í viðtali við Yahoo Entertainment þegar hún kynnti nýjustu mynd sína, Couture. Í myndinni leikur Jolie bandaríska kvikmyndagerðarkonu sem greinist með brjóstakrabbamein á meðan hún vinnur á tískuvikunni í París.
Persóna hennar, Maxine Walker, er í ástarsambandi við kvikmyndatökumanninn Anton (leikinn af Louis Garrel). Jolie sagði að það að leika Maxine, sem á dóttur, hafi gert henni grein fyrir því að hægt sé að fara á stefnumót án þess að einbeita sér að börnunum sínum.
„Satt best að segja, þá hef ég ekki farið á stefnumót síðan ég skildi fyrir áratug,“ sagði Jolie. „Ég fæ það einhvern veginn í hausinn á mér að sá þáttur skipti ekki máli í lífi mínu ef ég einbeiti mér að börnunum mínum, fjölskyldunni. Það tók mig smá stund að segja, jæja, hún getur líka elskað dóttur sína og verið henni traustu og líka þurft á þessu að halda sem kona og tekið á móti þessu sem kona,“ hélt hún áfram.
Jolie, 51 árs, skildi við Pitt, 62 ára, í september 2016 eftir tveggja ára hjónaband og við tók stormasamur skilnaður sem tók átta ár að ganga frá. Þau eiga sex börn saman: Maddox, 24 ára, Pax, 22 ára, Zahara, 21 árs, Shiloh, 20 ára; og tvíburana Vivienne og Knox, 17 ára.
Nú þegar dætur hennar eru eldri sagði Jolie við fjölmiðla að þær væru að hvetja hana til að einbeita sér ekki bara að því að vera móðir þeirra.
„Ég held að dæturnar séu á einhvern hátt að færa mig aftur til míns gamla sjálfs,“ sagði Jolie. „Þrá mín eftir að þau hafi allan þennan styrk, opinskáa tilfinningu, mýkt, trú og grimmd minnir mig á það. Ég held að þau vilji frekar að ég sé ekki bara „mamma“.“
Jolie sagði að hún hugsi ekki um að eldast heldur væri nú að enduruppgötva sjálfa sig.
„Ég er að hugsa að ég verð að lifa upp á nýtt. Vera frjáls aftur,“ sagði hún. „Á þann hátt að lífið hefur kannski brotið mig aðeins niður.“
Fyrr í þessum mánuði sagði Jolie við Variety að „baráttuandi“ hennar væri kominn aftur og viðurkenndi að hún hefði misst hann niður um tíma.
„Þetta er að koma aftur að miklu leyti þökk sé börnunum mínum, sem eru nú eldri, og þeim sem hvetja til þess,“ sagði hún. „Börnin mín eru næstum öll 18 ára, svo nú vilja þau sjá mig ferðast um heiminn. Þau þekkja mig betur en nokkur annar og þeim líkar samt vel við mig, sem segir ansi mikið.“
Jolie er greinilega náin börnum sínum, en sama er ekki hægt að segja um Pitt. Þrjú af börnunum, Maddox, Zahara og Shiloh, hafa höfðað mál til að fjarlægja „Pitt“ úr eftirnafni sínu á meðan tvíburarnir Knox og Vivienne, sem eru enn yngri en 18 ára, hafa tekið táknræna fjarlægð.
„Pax á enn í sambandi við föðurjölskyldu sína og heldur áfram að verja tíma með þeim“. Samt sem áður „á Pax ekki mikið samband við Brad“.
