Ný mynd af Vilhjálmi Bretaprins og eiginkonu hans, Katrínu, hefur vakið mikla athygli og slegið í gegn hjá netverjum, en fólk er sammála um að hjónin líta út fyrir að hafa stigið út úr ævintýri, svo glæsileg og töfrandi eru þau.

Myndin var birt á Instagram-síðu þeirra hjóna og hefur fengið yfir 630 þúsund „likes“ á hálfum sólarhring.

Myndin var tekin fyrir hátíðarkvöldverð í Windsoe kastala í gærkvöldi.

Katrín klæddist einnig stærstu kórónunni sinni til þessa, Oriental Circlet-kórónu sem var í eigu Viktoríu drottningar.

Þetta var í fyrsta skipti sem hún bar þetta sögulega höfuðskraut en hingað til hefur prinsessan kosið látlausari kórónur.