„Þau hafa verið að glíma við erfiðleika í langan tíma og eins og ég skil þá eru þau að vinna í því að skilja að borði og sæng,“ sagði heimildarmaður náinn parinu.
Slúðurmiðlar vestanhafs greina frá því að vandamálin byrjuðu árið 2023. „Það er engin leið til að bjarga hjónabandinu en Amy vill að skilnaðurinn gangi vel fyrir son þeirra, þannig þau eru að finna út úr því hvað virkar best,“ sagði heimildarmaðurinn.
Amy tjáði sig stuttlega um málið á Instagram fyrr í vikunni. „Hvað sem gerist milli okkar Chris hefur ekkert að gera með þyngdartap eða einhverfu. Krossum fingur að við komumst í gegnum þetta, hann er bestur.“
Þyngdartapið nefndi hún því hún hefur grennst mikið eftir að hafa byrjað á þyngdartapslyfinu Mounjaro. Chris er á einhverfurófinu. Þau giftu sig árið 2018 og eignuðust son árið 2019.
