Barnsfaðir söngkonunnar Britney Spears, Kevin Federliner, er að gefa út æviminningar sínar en þar lýsir hann sambandi sínu við söngkonuna, forsjárdeilum þeirra og svo framkomu söngkonunnar í garð barnanna.
Sjá einnig: Barnsfaðir Britney Spears lýsir ógnvekjandi reynslu sona þeirra – Starði á þá sofa með hníf í hendinni
Federline lýsir meðal annars ógnvekjandi uppákomu, sem hann segir reyndar ekki hafa verið einsdæmi.
„Stundum vöknuðu þeir á nóttunni og sáu hana standa þögla í dyragættinni, að stara á þá sofa „Ó, eruð þið vakandi?“ – með hníf í hendinni. Síðan sneri hún við og gekk í burtu án þess að segja nokkuð.“
Bókin er ekki komin út en The New York Times hefur fengið sendan kafla úr henni og fjallaði um málið í gær. Í kjölfarið birti Britney óræð skilaboð á Instagram:
„Heiðraðu móður þína og föður, en verndaðu alltaf hjarta þitt. Heiðraðu þau aðeins ef þau hafa heiðrað þig. Ef ekki þá skaltu finna þér nýja fjölskyldu.“
Britney og Kevin voru gift frá 2004 til 2007 og eiga tvo syni, Sean Preston, 20 ára, og Jayden James, 19 ára.
Bókin kemur út 21. október næstkomandi.
