Kírópraktorinn, athafnamaðurinn og áhrifavaldurinn Guðmundur Birkir Pálmason, betur þekktur sem Gummi Kíró, deildi morgunrútínunni sinni á Instagram í gær.

Hann byrjar daginn á því að drekka einn lítra af vatni. Fyrra glasið er með eplaediki og sítrónusafa en það seinna bara venjulegt vatn.

Næsta sem hann gerir er að stinga andlitinu ofan í kalt vatn og gera öndunaræfingar.

Hann gerir svo nesti fyrir daginn. Fjögur egg, kjúklinga fajitas og samloku.

Síðan er það rótsterkur kaffibolli. „Elska kaffið mitt á morgnanna,“ segir hann.

Síðan hugsar hann um húðina. Hann byrjar á því að nota ljósameðferð á kjálkalínuna, hann boostar síðan húðina með andlitsolíu frá Bláa lóninu og notar Gua Sha, skrapar tunguna og setur á sig ilmvatn.

Næsta skref er ljósameðferð fyrir andlitið og síðan skutlar hann syni sínum í skólann og fer í ræktina.

„Æfi helst á hverjum degi í World Class,“ segir hann.

Eftir sturtu kemur húðrútínan. Gummi setur á sig augnserum, andlitsserum og dagkrem. Og þá er hann tilbúinn í daginn.

Fylgstu með Gumma á Instagram.