Fyrir stuttu fór hann í „ástandsskoðun“ hjá fyrirtækinu Greenfit á Íslandi og komst að því að „lífaldur“ hans er 18 ára. Beggi verður 32 ára í september.
Það er stundum talað um „lífaldur“ út frá líkamlegu ástandi. Eins og í Begga tilfelli, þá er hann á fertugsaldri en samkvæmt Greenfit er líkamleg heilsa hans á við átján ára dreng.
Ástandsskoðun kostar 69.900 krónur og um hana stendur á vef Greenfit:
„Ástandsskoðunin hjá Greenfit er allsherjar skoðun á þér og þinni heilsu og er samsett úr ýmsum mælingum. Ástandsskoðunin gefur þér góðan grunn til að átta þig á stöðunni í dag og setja þér raunhæf markmið – og ná þeim!
Mælingar sem gerðar eru í ástandsskoðun:
- Blóðmæling
- Efnaskiptamæling
- Blóðþrýstingur
- Álagsmæling
- Öndunarmæling
- Líkamssamsetning
- Gripstyrkur“
Beggi deildi niðurstöðunum með fylgjendum sínum á Instagram fór síðan yfir hvernig hann bætir og viðheldur líkamlegri heilsu. Það er samt vert að taka fram að það sem virkar fyrir hann virkar ekki endilega fyrir aðra. Þegar kemur að heilsu og næringu er alltaf best að hlusta á lækna, næringarsérfræðinga og aðra menntaða sérfræðinga á þessu sviði.
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Beggi lyftir sex sinnum í viku og skiptir um prógramm á fjögurra vikna fresti. Hann fer út að hlaupa tvisvar til þrisvar í viku.
Hann telur ekki hitaeiningar en segist borða „hreint“ fæði. Mestmegnis prótein og fitu og takmarkað af kolvetnum. Hann hætti að fasta fyrir ári síðan og borðar fjórum sinnum á dag. Hann drekkur sjaldan áfengi og ef hann gerir það þá er það viskí eða gin og tónik.
Beggi passar vel upp á svefninn og sefur sjö til átta klukkutíma á nóttu. Hann hættir að neyta koffíns eftir klukkan tíu á morgnanna.
Beggi hefur verið virkur á samfélagsmiðlum undanfarið og deildi á dögunum sínu besta ráði til að auka afköst: Vakna snemma og vinna.
„Ég var aldrei manneskjan sem vaknaði snemma, en í dag vakna ég yfirleitt klukkan fimm. Ávinningur þess að vakna snemma er svakalegur. Þú ert ekki að gera neitt merkilegt síðustu einn til tvo klukkutímana áður en þú ferð að sofa, þú gætir alveg eins farið fyrr að sofa,“ segir hann.
„Að geta einbeitt þér að mikilvægustu verkefnum dagsins í tvo til þrjá tíma er ofurhetjukraftur í nútímaheiminum. Ef þú getur gert þessa tvo hluti þá áttu eftir að auka afköst.“
Einn fylgjandi hans benti á að það búa ekki allir við þann lúxus að geta tileinkað sér þetta, eins og foreldrar ungra barna.
View this post on Instagram
