Leikkonan Lindsay Lohan hefur verið að vekja mikla athygli en útlit hennar virðist hafa tekið miklum breytingum undanfarið. Margir spyrja sig hvernig hún fer að því að eldast aftur á bak en svarið er eflaust einfalt: Vel heppnuð fegrunaraðgerð.

Stjarnan hefur þó neitað fyrir það og heldur því fram að þetta sé einfaldri húðrútínu að þakka en fólk á erfitt með að trúa henni.

Page Six ræddi við lýtalækna og spurði hvað þeir telja Lohan hafa gert.

Pamela Weinberger, stofnandi Jeune Aesthetics, sagði að leikkonan hafi líklega fengið bótox, augabrúnalyftingu og fylliefni í varir og kinnar. Henni sagðist einnig gruna að stjarnan hafi lagst undir hnífinn og gengist undir aðgerðir eins og augnaloksaðgerð, andlitslyftingu og farið í fitusog á háls og höku.

„Það er hægt að ná fram ágætis niðurstöðum með fylliefni og bótox, en þegar breytingin er svona ótrúleg þá er líklegt að aðilinn hafi lagst undir hnífinn. Ég held að leyndarmálið sé jafnvægi, að færir lýtalæknar vinna saman til að ná þessu „náttúrulega“ útliti með bæði sprautum og aðgerðum.“

Lýtalæknirinn Ramtin Kassir er sammála Pamelu og segir að það sé líklegt, að hans mati, að Lohan hafi lagst undir hnífinn. Hann sagði að hugsanlega hafi þyngdartap leikkonunnar einnig áhrif. „Það eða hún lét leysa upp fylliefnið sem hún var áður með í andlitinu,“ segir hann.