Hún lenti ekki sjálf í þessu en það var frænka vinkonu hennar sem gekk í gegnum þessa martröð.
„Hún kynntist karlmanni á [stefnumótaforritinu] Hinge og þau fóru á nokkur stefnumót,“ segir hún.
Eina helgina þurfti konan að fara úr bænum og heim til foreldra sinna, en þau voru að fara í ferðalag og hún ætlaði að passa upp á húsið á meðan.
Hún þurfti að aflýsa stefnumóti með manninum og sagði: „Mér þykir þetta leitt, ég þarf að passa upp á hús foreldra minna. Ég kem aftur eftir nokkra daga!“
Prófaðu að endurhlaða síðuna ef þú sérð ekki færsluna hér að neðan.
View this post on Instagram
Konan fór til foreldra sinna og var ein í húsinu. „Hún var að horfa á sjónvarpið og fór á klósettið og skildi símann eftir í sófanum. Þegar hún kom aftur inn í stofu sá hún að síminn hennar væri horfinn. Innsæið var að segja henni að eitthvað slæmt væri í vændum og að einhver væri í húsinu. Hún náði í heimasímann og hringdi í neyðarlínuna. Hún sagði: „Ég veit að þetta er ruglað en ég var að koma af klósettinu og síminn minn er horfinn. Ég held að það sé einhver annar hérna í húsinu.“ Manneskjan hjá neyðarlínunni sagði henni að gefa þeim nokkrar mínútur og hringja svo til baka ef eitthvað myndi breytast. Hann sagði að það væru engin haldbær sönnunargögn fyrir því að það þyrfti að senda aðstoð,“ segir Veronica.
„Hún sagði: „Ókei.“ Fimm sekúndum seinna ruddust lögreglumenn inn og fóru niður í kjallarann þar sem þeir fundu manninn, sem hún kynntist á Hinge, með grímu og búinn að leggja hnífa á borðið. Hann ætlaði að búta hana niður!“
En hvernig vissi manneskjan hjá neyðarlínunni að það væri einhver annar í húsinu? „Því það var annar sími niðri, tengdur heimasímanum, og þeir [hjá neyðarlínunni] heyra þegar einhver tekur upp tól á sömu línu,“ segir Veronica.
