Fjölmiðlar vestanhafs hafa rætt við heimildarmenn sem segja skilnað í vændum. „[Ben Affleck] líður eins og síðustu tvö ár hafi verið einhver hitadraumur en hann er kominn til vits og ára núna og skilur að þetta mun aldrei virka,“ sagði heimildarmaður Page Six.
Einnig hefur verið greint frá því að Lopez sé flutt út af sameiginlegu heimili þeirra og að Affleck sé að leita sér að nýju húsnæði.
Sjá einnig: Sagður vera kominn til vits og ára um samband hans og Jennifer Lopez – „Þetta mun aldrei virka“
Jennifer Lopez er á fullu að kynna nýju kvikmyndina Atlas frá streymisveitunni Netflix, þar sem hún fer með aðalhlutverk. Hún var spurð beint út í kjaftasögurnar á blaðamannafundi fyrir myndina, blaðamaður spurði hvort hún vildi tjá sig um „ástandið“ með Affleck.
Viðbrögð hennar hafa vakið mikla athygli en söngkonan hló aðeins og hallaði sér síðan aðeins fram og sagði við blaðamanninn: „Þú veist betur en þetta.“
Meðleikari hennar, Simu Liu, skammaði blaðamanninn: „Kommon, ekki koma hingað með svona.“
Prófaðu að endurhlaða síðuna ef þú sérð ekki myndbandið hér að neðan.
View this post on Instagram
Stórstjörnurnar héldu þriggja daga brúðkaupsvíslu í Georgíu í Bandaríkjunum í ágúst 2022. Þau giftu sig í júlí en fögnuðu ástinni með fjölskyldu og vinum mánuði seinna.
Affleck og Lopez tóku saman aftur árið 2021 eftir um sautján ára aðskilnað. Þau byrjuðu fyrst saman árið 2002 og var mikið fjölmiðlafár í kringum samband þeirra. Þau trúlofuðust ári seinna en slitu sambandinu í byrjun 2004.
