Það er ekki að ástæðulausu að sumir karlar eftirláta konunum sínum að pakka niður í ferðatöskuna áður en haldið er í fríið. Myndband sem kona ein, Laura að nafni, birti á Instagram hefur vakið talsverða athygli.

Í myndbandinu segist Laura hafa gleymt að pakka niður tannburstanum sínum í snyrtitöskuna sína. Spurði hún manninn sinn hvort hann gæti tekið hann í sína snyrtitösku og var það auðsótt. Konan sprakk þó úr hlátri þegar hún sá hvað hann gerði við tannburstann.

Laura sneri myndavélinni að töskunni og kom þá í ljós að hann hafði komið tannburstanum fyrir á öruggum stað, í sveittum hlaupaskóm þar sem tannburstinn hans var einnig. Átti Laura erfitt með að halda aftur af hlátrinum eins og margir aðrir sem horft hafa á myndbandið.

Einn sagðist hafa sýnt konunni sinni það og hún svarað með þeim orðum að þetta væri ástæða þess að hún sæi um að pakka í tösku, en ekki hann.

Yet more evidence sexuality is not a choice. No way women are ‘choosing’ straight men. pic.twitter.com/YUY4TbihCy

— Mitten d’Amour (@MittenDAmour) May 11, 2024