Leigh Raaschou hefur unnið úti nær alla sína ævi og aldrei varið sig fyrir sólinni. „Ég setti aldrei á mig sólarvörn eða gekk um með hatt, og þetta er afleiðing þess,“ segir hann við ABC.

„Eins og þú sérð á húðinni minni þá hef ég fengið, og látið fjarlægja, yfir hundrað húðkrabbamein, talan er örugglega nær tvö hundrað.“

Raaschou glímir við alvarlega heilsukvilla og hefur húðkrabbameinið dreift sér um líkamann.

„Krabbameinið fór inn í beinið og það þurfti að taka hluta af höfuðkúpunni minni og setja títaníum plötu í staðinn,“ sagði hann.

„Því miður kom sýking milli plötunnar og heilans þannig ég þurfti að láta fjarlægja hana. En læknarnir vilja ekki skera mig upp aftur til að láta setja nýja, áhættan er of mikil.“

Hægt er að lesa meira um baráttu Raaschou við krabbamein í umfjöllun ABC.