Aðþrengdar eiginkonur, eða Desperate Housewives, komu fyrst á skjáinn þann 3. október árið 2004 á sjónvarpsstöðinni ABC. Þættirnir nutu gríðarlegra vinsælda og rökuðu til sín verðlaunum.
Aðdáendur þáttanna muna eftir kyntröllinu Jesse Metcalfe sem lék unga manninn sem persóna Evu Longoriu átti í ástarsambandi við.
Nú eru tveir áratugir liðnir og margt hefur breyst, en aðdáendur eru flestir sammála að Metcalfe hafi lítið sem ekkert breyst.
Nýtt myndband af honum hefur farið eins og eldur í sinu um netheima og á fólk erfitt með að trúa að hann hafi varla breyst öll þessi ár.
„Hvernig líturðu alveg eins út?!“ spurði einn.
@realjessemetcalfe Be stronger than your excuses.
Metcalfe hefur áður opnað sig um erfiðleikana við að vera kyntákn og þurfa að halda ákveðnu útliti við.
„Að vera kyntákn snýst mikið um hlutverkin sem þú leikur og hlutverkin sem ég lék settu mig á einhvers konar stall. En útlitið mitt var líka gagnrýnt og fjölmiðlar nutu þess að setja út á það. Það fylgdi því mikil pressa að vera ber að ofan í hverjum einasta þætti af Housewives.“
„Þú þarft að vera í toppformi og allir búast við því að þú haldir forminu þegar þú ert á milli verkefna. Það er ekki raunsætt. Þess vegna ná paparazzi ljósmyndarar myndum af leikurum „ekki í formi“ á milli verkefna, því leikararnir eru að taka sér hlé frá öllu, meðal annars ræktinni.“
