Bandaríska leikkonan Reese Witherspoon birti uppskriftarmyndband á TikTok á laugardaginn. Þar má sjá leikkonuna moka snjó af bíl sínum ofan í bolla. Sprautaði hún síðan saltkaramellusírópi og súkkulaðisírópi yfir og hellti að lokum köldu kaffi yfir. Nefndi hún drykkinn „Salted Snowy Cappucino.“

@reesewitherspoonSnow days were made for Chococinnos ❄️☕️♬ Let’s go – Official Sound Studio

„Það eru svo margir sem segja að snjór sé óhreinn, svo við fórum og tókum snjó úr bakgarðinum, settum hann í örbylgjuofninn og snjórinn er hreinn. Er þetta slæmt, ætti ég ekki að borða snjó?“

@reesewitherspoon Replying to @Mel ♬ original sound – Reese Witherspoon

Í öðru myndbandi segir Witherspoon: „Þú lifir aðeins einu sinni,“ og sagðist hún aðeins borða snjó þegar snjóaði heima hjá henni, kannski einu sinni á ári. „Ég vil líka segja að þetta var ljúffengt, þetta var svo gott.“

@reesewitherspoon Replying to @Pamcake ♬ original sound – Reese Witherspoon

„Þannig að það sem þú ert að segja við mig er að ég þarf að sía snjóinn áður en ég borða hann?“ sagði hún hlæjandi í þriðja myndbandinu. „Ég get bara ekki síað snjó. Ég veit ekki hvernig ég á að gera það!“ segir leikkonan sem segist hafa alist upp við að drekka kranavatn í stað síaðs vatns og hafi oft drukkið vatn úr garðslöngunni.

@reesewitherspoon Replying to @Gio ♬ original sound – Reese Witherspoon

Netverjar létu ekki á sér standa í athugasemdakerfinu, og sumir voru á sömu skoðun og Witherspoon að það væri í góðu lagi að borða snjó, meðan aðrir rifu hár sitt af hneykslun.

„Fólkið sem segir að snjór sé slæmt, hefur greinilega aldrei búið til snjóís!“ skrifaði einn karlmaður.

Sumir komu jafnvel með tillögur að frystum uppskriftum. „Bæta við hnetusmjöri og kalla það Reese’s Winterspoon,“ skrifaði einn og svaraði leikkonan tilbaka:„Þetta er snilld.“

„Ég ólst upp við að búa til snjóís með vanilluþykkni og sykri, fólk er ofdramatískt í þessum athugasemdum.“

„Svo lengi sem þú borðar ekki gula snjóinn, þá ertu góð!“ skrifaði einn. Óhætt er að segja að við íslendingar höfum lengi tileinkað okkur þá reglu.

„Nei nei nei.. snjór er ekki gerður til að borða, þú getur orðið alvarlega veik,“ skrifað ein sem botnaði ekkert í þessu athæfi. „Er snjór ekki skítugur??“ spurði annar.