Kenn­ara­stof­an, glæ­ný ís­lensk þáttaröð í Sjón­varpi Sím­ans, hef­ur slegið nýtt áhorfs­met yfir áhorf á fyrsta þátt á ein­um sóla­hring. Fyrra áhorfs­metið áttu fimmmenningarnir í IceGuys. 

Kenn­ara­stof­an fjall­ar um líf grunn­skóla­stýru með áráttu- og þrá­hyggjurösk­un, leikin af Kötlu Margréti Þorgeirsdóttur, sem um­turn­ast þegar hömlu­laus tón­list­ar­kenn­ari, leikinn af Sverri Þór Sverrissyni (Sveppa) mæt­ir til starfa. Þáttaröðin er róm­an­tísk gam­an­saga sem fjall­ar um ást­ir og ör­lög kenn­ara.

„Við erum að sjá ótrú­leg­an vöxt í áhorfi hjá okk­ur, ís­lensk kvik­mynda­fram­leiðsla er eitt­hvað sem okk­ar áskrif­end­ur vilja. Kenn­ara­stof­an er fjórða leikna ís­lenska þáttaröðin sem Sím­inn frum­sýn­ir á fjór­um mánuðum og byrj­ar hún árið með hvelli. Þetta eru ótrú­leg­ar áhorfstöl­ur og ég er al­veg æv­in­týra­lega stolt­ur að sjá þessi verk­efni taka á flug,“ seg­ir Birk­ir Ágústs­son dag­skrár­stjóri inn­lendr­ar dag­skrár­gerðar hjá Sím­an­um.

Fram­leiðsla þátt­anna er á hönd­um fyr­ir­tæk­is­ins Kontent, en Kenn­ara­stof­an er fyrsta þáttaröðin sem kem­ur frá hópn­um. Á bak við Kontent eru Guðný Guðjóns­dótt­ir, Jón Gunn­ar Geir­dal, Kristó­fer Dign­us og Sara Djeddou Bald­urs­dótt­ir.