Leikararnir Jason Sudeikis og Olivia Wilde hafa háð sáttum í harðvítugri baráttu um meðlag, þar sem Sudeikis féllst á að greiða meðlagsgreiðslur upp á 27500 dali mánaðarlega.

Wilde og Sudeikis byrjuðu saman í nóvember 2011, trúlofuðu sig í janúar 2013 og skildu í nóvember 2020. Eiga þau saman tvö börn, Daisy sex ára og Otis níu ára og hefur deila foreldrana staðið yfir í nærri tvö ár. Meðlagsgreiðslan tekur mið af áætluðum tekjum þeirra í ár, tekjum Sudeikis upp á 10,5 milljónir dala og tekjum Wilde upp á 500 þúsund dali. 

„Aðilarnir eru sammála um að meðlag fyrir ólögráða börnin að upphæð 27.500 dalir á mánuði nægi til að viðhalda þörfum ólögráða barnanna með tilliti til stöðu Jasons í lífinu og samræmist hagsmunum hvers barns eins og best er á kosið og beiting leiðbeininga frá dómara væri óréttlát. eða óviðeigandi í þessu tilviki,“ segir í dómsskjölum sem Daily Mail hefur undir höndum.

Deilan milli Sudeikis, 48 ​​ára, og Wilde, 39 ára, tók róttæka stefnu þegar Wilde voru afhent lögfræðileg skjöl þegar hún stóð sviði í CinemaCon í apríl 2022.

Svo virðist sem Sudeikis og Wilde hafi ekki aðeins sætt meðlagsgreiðsludeiluna heldur virðast samskiptin milli þeirra betri. Þannig sáust þau faðma hvort annað og gefa fimmu þegar þau mættu á fótboltaleik sonarins um helgina.