Bandaríski leikarinn Samuel L Jackson er nýjasti stórleikarinn í auglýsingum breska brauðrisans Warburtons. Áður hafa leikararnir George Clooney, Robert de Niro og Sylvester Stallone brugðið á leik fyrirtækið svona til að nefna nokkra, en Warburtons hefur verið í rekstri í 147 ár.

Auglýsingin sem kom út á miðvikudag er 2,10 mínútur að lengd, auk þess sem tvær styttri útgáfur upp á 30 sekúndur og 60 sekúndur voru gerðar. Auglýsingin er eins konar smásaga, undir nafninu Mad About The Bread, í henni er Toastie Leaf brauðið auglýst og má finna nokkrar tilvísanir í kvikmyndina Pulp Fiction frá 1994 sem Jackson átti stórleik í.

Jackson bregður sér í hlutverk forstjóra Warburtons, Jonathan Warburton, sem er í raun forstjóri fyrirtækisins, ekki tilbúin persóna. Í upphafi má sjá ritara opna inn á skrifstofuna og bregða að sjá Jackson en ekki Warburton í stól sínum. Jackson snýr sér næst að myndavélinni og kynnir sig: „Hæ ég er Jonathan Warburton, forstjóri fjölskyldutækisins og stærsta brauðframleiðenda Bretlands.“ Hann deilir síðan samfélagsmiðlapósti þar sem notandinn Steve segir efast um ágæti Toastie-brauðsins við samkeppnisaðila þess í hillunni og vekur það reiða Jackson „Hvað er?! Það sem er er ég, Jonathan Warburton. Og helvíti hefur engan hitt jafnreiðan og bakara sem reittur hefur verið til reiði, Steve.“

Jackson fer síðan yfir hvernig hið ástsæla Toastie brauð er búið til. Síðan birtist hann heima hjá foreldrum Steve og skiptir út ristuðu brauði þeirra frá samkeppnisaðilanum fyrir disk af Warburtons.

Síðan sést Jackson prófa brauðsneiðar fyrir mýkt, smjörgetu og endurkastgetu (sem hann fullvissar áhorendur um að sé alvöruathöfn). Að lokum opnar hann dyrnar á skrifstofu sinni þar sem hinn raunverulegi forstjóri situr og segir: „Ég hefði ekki getað orðað það betur sjálfur.“