Hinn bandaríski Edwin Castro sem er 31 árs og búsettur í Kaliforníu keypti sér lottómiða á bensínstöð í nóvember í fyrra. Hann var grandalaus um að líf hans hafði gjörbreyst við útdráttinn í Powerball lukkupottinum og það var ekki fyrr en í febrúar sem hann mætti með miðann sinn til að sækja vinninginn, litlar tvær billjónir dala. Um er að ræða stærsta lottóvinning sögunnar og varð Castro milljónamæringur á einni nóttu. Castro gat valið á milli þess að fá alla vinningsupphæðina greidda út á 29 árum eða að fá 997,6 milljónir nú þegar. Hann valdi síðari kostinn.

Sjá einnig: Vann 2 milljarða dollara í lottó – Segist vera brugðið og himinlifandi

Það fyrsta sem Castro ákvað að eyða summunni í var fasteign í Hollywood Hills sem hann keypti 1. Mars fyrir 25,5 milljón dala, á meðal nágranna hans eru tónlistarkonan Ariana Grande, leikkonan Dakota Johnson og þáttastjórnandinn Jimmy Kimmel nágranna sína.  

Castro höllin er um 1254 fermetrar á 2400 fermetra lóð og í húsinu má finna meðal annars fimm svefnherbergi, sjö baðherbergi, leikherbergi, vínkjallara, kvikmyndahús, bar, heilsulind og líkamsræktarstofu.

Næst keypti hann annað hús í heimabæ sínum Altadena, Kaliforníu, með útsýni yfir hin glæsilegu San Gabriel fjöll. Heimilið sem byggt var árið 1953 er í japönskum stíl og inniheldur meðal annars fimm svefnherbergi og fjögur baðherbergi, auk sundlaugar og kvikmyndahúss.

Castro þarf að sjálfsögðu bíl til að ferðast milli heimilanna og keypti hann sér vintage hvítan Porsce á 250 þúsund dali.

Í september bætti hann þriðju fasteigninni við fyrir 47 milljónir dala. Líkt og fyrri húsin er nóg pláss, en þar má meðal annars finna sjö svefnherbergi, ellefu baðherbergi, koi tjörn, risastóra sundlaug, fullkomna aðstöðu fyrir plötusnúða, kampavínsherbergi, vínkjallara og heimabíó.

„Eins mikið og ég er í áfalli og á sama tíma himinlifandi yfir að hafa unnið Powerball-pottinn þá er hinn raunverulegi sigurvegari opinbera skólakerfið í Kaliforníu,“ sagði Castro þegar hann vann þann stóra, en tekjur lottósins kenna til opinbera skóla, sem fengu yfir 156 milljónir dala í kjölfar vinningsins.