Tanna Barker átti ekki sjö daga sæla nýlega þegar hún ruglaðist á vítamínunum sínum og AirPods og gleypti það síðarnefnda. Barker er búsett í Utah í Bandaríkjunum og var hún að tala við vinkonu sína þegar hún mundi að hún átti eftir að taka vítamínin sín.
Því miður fyrir hana þá var hún með AirPods í lófanum um leið og hún setti vítamínin í lófann. Maður gæti spurt hvernig í ósköpunum er hægt að ruglast á vítamínpillum og AirPodsinu, en Barker útskýrði það með því að áður hefðu nokkrar vítamínpillur fests saman og því verið óvenjulegar í laginu.
Eftir að Barker var búin að gleypa að því að hún taldi vítamínin áttaði hún sig á að það var eitthvað sem var ekki í lagi, en hélt að pillurnar hefðu bara fests í hálsi hennar og fékk sér því meira vatn að drekka til að reyna að kyngja töflunum. Sem betur fer bar hún engan skaða af þessum ruglingi og hefur síðan bara gert létt grín að atvikinu.
Í myndbandi sem hún birti á TikTok segir Barker: „Ég ætla að vera mjög hreinskilin núna. Í morgun lenti ég í atviki sem ég er enn að jafna mig á. Í morgun var ég í göngu og hitti vinkonu mína sem ég hef ekki séð í eitt ár. Við höfðum um margt að ræða. Hún var að segja mér frá hvað hefði gengið á í lífi hennar, mikið búið að gerast og margt í gangi. Þegar við vorum hálfnaðar á göngunni ákvað ég að taka vítamínin mín. Ég skellti þeim í lófann og upp í mig, fékk mér vatnssopa og fann síðan að pillurnar voru fastar í hálsinun á mér. Ég fékk mér meira að að drekka, hélt áfram að tala við vinkonu mína og ætlaði svo að ná í AirPodsin mín. Og átta mig þá að ég er enn með pillur í lófanum og hafði gleypt AirPodsið mitt.“
@tannasellsutah 🤯OH MY GOOOOOOOSH!!!! You have to watch this! So embarrassing!!! #istillcantbelieveit #whatinthelivingheck #thistooshallpass #whatthe #iamshook #getoutofmybelly ♬ original sound – IamNanaTanna
Segist hún hafa hafa rætt atvikið við vini sína og lækni og allir ráðleggi það sama og hún segist ætla að fara eftir ráðum þeirra.
„Ég veit ekki hvort aðrir hafa lent í þessu. Þetta er frekar vandræðalegt. En ég gerði það og við sjáum hvað gerist. En það jákvæða er að ég á ennþá hægra AirPodsið.“
Barker var ráðlagt að bíða bara eftir að hinn myndi skila sér með náttúrulegum hætti, spurning hvort hann muni enn virka?
