Útskriftarmynd ungrar konur hefur skipt netverjum í fylkingar, sumir segja hana stórkostlega og skemmtilega á meðan aðrir segja hana óviðeigandi og klámfengna.
Hin bandaríska Rachel Davenpole útskrifaðist frá háskólanum í Arizona fyrr í mánuðinum. Hún birti tvær myndir frá útskriftardeginum, þar sem hún er klædd í útskriftarskikkjuna fyrir framan háskólann. En það var ekki ástæðan fyrir fjaðrafokinu.
Rachel hefur æft polefitness í nokkur ár og stillti sér upp á súlu fyrir framan skólann.
Milljónir manna hafa skoðað myndirnar á Twitter og fjölmargir skrifað athugasemd við færsluna. Það er óhætt að segja að viðbrögð netverja hafi verið tvískipt. Margir hrósuðu Rachel fyrir myndirnar á meðan aðrir gagnrýndu hana harkalega.
Rachel hefur svarað gagnrýnisröddum og bent þeim á að hún útskrifaðist með láði og hlaut veglegan styrk fyrir framhaldsnám.
Graduated Magna Cum Laude (3.8GPA) and received over $40,000 in scholarships… let’s get u a mirror so we can see who this tweets about babes 🤭 https://t.co/cuY8wNilrF
— rach 🦎 (@humanglowstick1) May 20, 2023
