Stórstjarnan unga, Billie Eilish, var aðeins rétt skriðin á unglingsaldur þegar hún sló fyrst í gegn aðeins 14 ára gömul. Mikið vatn hefur runnið til sjávar síðan þá, en söngkonan er í dag 21 árs.
Hún var framan af þekkt fyrir að klæðast kynhlutlausum klæðnaði sem gjarnan var mjög útvíður. Öpuðu margir aðdáendur sem og yngri kynslóðir eftir henni og seldist slíkur fatnaður eins og heitar lummur og varð hennar helsta sérkenni framan af.
Eftir að hún varð fullorðin og fór að líða betur í sínum eigin líkama fór söngkonan svo að prófa sig áfram í klæðaburði, líkt og flest ungmenni og gera. Þar með telið aðsniðnum og jafnvel klæðlitlum fatnaði.
Hún hefur opnað sig í viðtölum um að hún hafi klæðast útvíðu því hún vildi ekki vera kyngerð. Hún er með þannig líkamsbyggingu að hún er brjóstgóð og sá fram á að það myndi bjóða upp á að litið yrði á hana sem kynveru. Hins vegar gæti enginn haft skoðun á líkama hennar ef enginn gæti séð hvað væri undir fatnaði hennar.
„Enginn getur sagt að hún sé grannfeitlagin [e. slim-thick] eða að hún sé ekki grannfeitlagin, hún sé með flatan rass, hún sé með feitan rass. Enginn getur sagt nokkuð af þessu því þau vita ekkert,“ sagði Billie þegar hún var 17 ára.
Nú eftir að Billie er farin að klæða sig í fatnað sem þykir kvenlegri þá hefur borið á gagnrýni þar sem aðdáendur saka hana um að hafa svikið lit.
Hún svaraði þessari gagnrýni á Instagram í vikunni þar sem hún velti því fyrir sér hvort konur mættu yfir höfuð vera til.
„Ég varði fyrstu fimm árum ferils míns í að fá yfir mig holskefluna frá ykkur ösnunum fyrir að vera strákaleg og klæða mig eins og ég gerði og mér var stöðugt sagt að ég væri flottari ef ég hegðaði mér eins og kona.
Og nú þegar mér líður nógu þægilega til að klæðast aðeins kvenlegri fatnaði, eða fötum sem passa betur á mig þá er ég sökuð um að hafa breyst og að ég hafi svikið lit… og „hvað er orðið um hana. Omg þetta er ekki sama Billie, hún er bara orðin eins og allir aðrir, bla bla bla.
Þið eruð sannkallaðir hálfvitar. LOL ég get verið bæði, ingjaldsfíflin ykkar. LEYFIÐ KONUM AÐ VERA TIL.
Við þetta má væta að kvenleiki er ekki það sama og veikleiki. Omg ég veit að það er galin hugmynd, hverju hefði dottið slíkt í hug? Og það er greinilega klárlega eitthvað sem enginn hefur heyrt um og stórkostlega galið að maður vilji tjá sig með mismunandi hætti á mismunandi tímum.“
Að lokum bætti söngkonan við í hæðni:
„Sturluð staðreynd. Vissuð þið að konur eru marglaga? Sjokkerandi er það ekki? Hvort sem þið trúið því eða ekki þá geta konur haft áhuga á mörgu.“
Að lokum bað hún þá sem hafa ausið yfir hana hatri að vinsamlegasta fara í rassgat.
„Sjúgið á mér delann og eistun kvenhatandi furðufuglarnir ykkar.“
