Hlaupadrottningin Mari Järsk og Njörður Lúðvíksson, verkefnastjóri hjá Össuri, hafa tekið ákvörðun um að flytja inn saman eftir sex mánaða samband.
Mari hefur vakið mikla athygli fyrir árangur sinn í utanvegahlaupum. Þau eiga íþróttaáhugann sameiginlegan en Njörður lék með landsliðinu í Badminton.
„Eftir sex mánaða hæðir og lægðir (e. ups and downs) höfum við tekið ákvörðun um að flytja inn saman. Einn góður maður sagði einu sinni við mig: „Maki á að vera tía.“ Ást, virðing og traust þarf að vera til staðar. Hann svo sannarlega bætir mig og hjálpar mér að komast á jörðina,“ skrifaði Mari á Instagram.
„Við erum eins og litlir krakkar, svo spennt,“ bætti hún við og viðurkenndi að hafa grátið af hamingju.
Fókus óskar parinu innilega til hamingju.