Leikkonan Julia Fox er vön því að vekja athygli með fatavali sínu. Glöggir netverjar muna þegar hún fór að versla á nærfötunum eða þegar hún notaði mittisstreng af buxum sem topp.
Julia, sem er hvað þekktust fyrir leik sinn í kvikmyndinni Uncut Gems og fyrir að eiga í stuttu, en mjög opinberu, ástarsambandi með Kanye West, sló nýtt met að mati margra með nýjasta fatavalinu.
Cannes kvikmyndahátíðin í Frakklandi stendur nú yfir og mætti hún í hvítu blöðrupilsi og gegnsæjum toppi úr gleri.
Hún var með málmkenndar geirvörtuhlífar undir toppnum.