Fataverslunin Factori opnaði föstudaginn 19. maí síðastliðinn. Verslunin er ætluð konum í stærri stærðum, frá XL og upp.
Eigendur Júník standa á bak við nýju verslunina, systurnar Þórunn Björk og Sif Jónsdóttir, ásamt Söru Lind Pálsdóttur, betur þekkt sem Sara í Júník.
Lilja Gísladóttir, förðunarfræðingur og sérfræðingur á markaðssviði Hagkaups, er í framlínunni með þeim sem markaðssérfræðingur Factori.
Fjöldi kvenna mætti í opnun verslunarinnar í Bæjarlind. Factori-teymið var að sjálfsögðu á staðnum, skó- og fylgihlutahönnuðurinn Valentína Tinganelli var meðal gesta ásamt áhrifavaldavinkonunum Línu Birgittu og Gurrý Jónsdóttur.