Hún vakti mikla athygli í þættinum og þá var það sérstaklega kjóll hennar sem vakti athygli. Hún ræddi nánar um málið í Bakaríinu á Bylgjunni um helgina, Vísir greinir frá.
„Ég ákvað að fara í sumarkjól sem ég átti, sem er kannski efnisminni en flest föt sem ég er oft í […] Þegar ég sat þá var hann smá laus í kringum brjóstin á mér, og ég frétti að það hafi munað litlu að geirvartan á mér hafi sést,“ sagði Saga.
Hún útskýrði að hún hafi verið búin að biðja Gísla Martein og bardagakappann Gunnar Nelson, sem var einnig gestur í þættinum, að fylgjast með og láta hana vita ef hún myndi óvart sýna geirvörtu.
„Þannig að þeir voru alltaf að horfa á brjóstin á mér og greinilega öll þjóðin líka,“ sagði leikkonan.
Saga sagði að eftir þáttinn hafi hún fengið fjölda skilaboða frá ókunnugum körlum „sem voru gríðarlega ánægðir með þessa brjóstasýningu sem var greinilega í gangi.“
Hún las upp nokkur af umræddum skilaboðum.
„Flott hjá Gísla Marteini! Flott að þora að sýna bobbana!“
„Hvaða skálastærð ertu? Notar þú [brjóstahaldara] með spöng?“
„Þetta er aðeins brot af því besta,“ sagði hún.
