Söngkonan Katy Perry var sökuð um dónaskap við keppanda í áheyrnarprufum fyrir American Idol í síðustu viku. Katy er dómari í þáttunum ásamt Luke Bryan og Lionel Richie.
Áhorfendur gagnrýndu framgöngu Katy harðlega gagnvart keppandanum Söru Beth Liebe.
Sara er 25 ára þriggja barna móðir frá Kaliforníu. Í áheyrnarprufunni viðurkenndi hún að hún væri reynslulítil í tónlistarbransanum og væri aðeins vön að syngja í kirkjukórnum og stundum í karíókí.
Áhorfendum fannst Katy vera dónaleg við Söru og þá var söngkonan sérstaklega gagnrýnd fyrir athugasemd sem hún kom með varðandi fjölda barna sem Sara ætti þrátt fyrir ungan aldur. Hún sagði að hún hafi „augljóslega eytt miklum tíma á bakinu.“
Sjá einnig: Katy Perry gagnrýnd fyrir „dónalega“ framgöngu við keppanda
Nú hefur Sara stigið fram. Hún lýsti upplifun sinni í myndbandi á TikTok.
Hún sagði að henni hafi sárnað grín Katy og að það hafi verið pínlegt að vera höfð að háði og spotti í sjónvarpinu.
„Ég hef ekki mikið annað að segja um hvernig mér líður því þetta útskýrir sig sjálft. Þetta var pínlegt, sérstaklega þar sem þetta var í sjónvarpinu, og þetta var sárt, og þannig er það,“ sagði hún.
„Ég vil nota þetta tækifæri og segja að mér finnst frábært þegar konur styðja aðrar konur, og mér finnst það alls ekki svalt að gera lítið úr mæðrum. Það er nógu erfitt að vera mamma og nógu erfitt að vera kona.“
Horfðu á myndbandið hér að neðan.
@sarabethliebeWell. I didnt think id be making this video, but i just wanted to say a couple things since im being flooded with articles and comments/messages about this.
Katy Perry hefur ekki tjáð sig um málið að svo stöddu.