Leikarinn Morgan Freeman var með hanska á vinstri hendi sinni á Óskarsverðlaunahátíðinni um helgina. Sást það skýrt þegar hann stóð með leikkonunni Margot Robbie á sviði á hátíðinni og vakti það töluverðar áhyggjur meðal áhorfenda hátíðarinnar.
Aðdáendur Freeman voru þó fljótir að benda á að þetta sé algengur fylgihlutur hjá leikaranum en hann lenti í bílslysi fyrir um 15 árum síðan þar sem hann slasaðist alvarlega á vinstri hendinni og er höndin lömuð að hluta. Hanskinn er svokallaður compression hanski sem eykur þægindi og dregur úr taugaverkjum og bólgum.
Slysið átti sér stað árið 2008 og slasaðist leikarinn alvarlega. Bíll hans valt mörgum sinnum og þurfti að beita klippum til að ná leikaranum út.