Aðdáendur þáttanna gagnrýna Katy harðlega fyrir framgöngu hennar gagnvart keppandanum Söru Beth Liebe.
Sara er 25 ára þriggja barna móðir frá Kaliforníu. Í áheyrnarprufunni viðurkenndi hún að hún væri reynslulítil í tónlistarbransanum og væri aðeins vön að syngja í kirkjukórnum og stundum í karíókí.
Katy kom með athugasemd, sem mörgum þótti óviðeigandi, varðandi fjölda barna sem Sara ætti þrátt fyrir ungan aldur hennar.
Sara var mjög taugaóstyrk í prufunni og þegar Katy spurði hana hvort þetta – American Idol – væri draumur hennar sagði hún frekar stressuð: „Uu.“
Og þá sagði Katy: „Ef þetta er ekki draumurinn þinn, þá þarftu að fara því það eru aðrir með drauma á eftir þér.“
Það var meira varðandi hegðun Katy gagnvart keppandanum sem áhorfendur hafa gagnrýnt. Eins og að dómarinn hafi stoppað keppandann í miðju lagi og látið hana syngja annað lag.
„Ömurlegt af Katy Perry að gera lítið úr Söru Beth fyrir að vera ung móðir, að gefa í skyn að hún hefur verið „liggjandi á borðinu of mikið“ því hún á þrjú börn og er 25 ára. Það ætti að fagna ungri móður að elta drauminn frekar en að gera lítið úr henni,“ sagði einn netverji.
„Ég er alls ekki ánægð með hvernig Katy Perry kom fram við Söru Beth í American Idol […] Þeir leyfðu Katy Perry að gera lítið úr þessari konu fyrir framan alþjóð, áður en hún byrjaði að syngja. Svo ljótt,“ sagði annar.
Þú getur horft á áheyrnarprufuna hér að neðan.
