Elenora Rós Georgesdóttir bakari flytur til London í Bretlandi á næstunni og verður yfirbakari í nýju bakaríi hjá Buns From Home, þekktu bakaríi sem er á nokkrum stöðum í stórborginni.
„Eitt stærsta, þekktasta og flottasta bakarí í London er að stækka og vantar yfirbakara fyrir bakaríið sem opnar á næstu vikum/mánuðum, ykkar eina sanna fékk símtal fyrir um 10 dögum þar sem henni bauðst tækifærið, nei sko mér líður ennþá eins og ég sé í einhverjum draumi,“ segir Elenora í færslu á Instagram.
Fimm dögum eftir að hún fékk símtalið var hún flogin í sólarhringsferð heim til London og viku eftir fyrsta símtal voru allir samningar komnir í hendur. Elenora segir að hún sé að gera London að framtíðarheimili sínu auk þess sem hún verður hluti af flottasta teyminu og besta fyrirtækinu eftir viðburðarríkt ár frá bakstri.
„Ég hef verið stærsti aðdáandinn að bakaríinu og fastakúnni í öllum ferðunum mínum. Núna ætla ég að verða ein af þeim og Nora sem sat í sólinni síðasta sumar að smakka fyrsta snúðinn sinn frá Buns from Home hefði aldrei trúað að í dag væri hún komin með breskt símanúmer, íbúð í LONDON og samning í hendurnar – sh*t hvað þetta er galið en geggjað allt á sama tíma.
Ég er að springa úr tilfinningum, stolti og þakklæti. Skál fyrir komandi tímum og HIPP HIPP HÚRRA fyrir draumum sem rætast, stærra en manni þorði að leyfa sér að dreyma um.“
View this post on Instagram