Svokallaðar paparazzi myndir af stjörnunni hafa verið á dreifingu um netheima en breski miðillinn DailyMail birti fyrst myndirnar.
Á myndunum má sjá Kylie, 25 ára, í bikiníi á ströndinni og birtist fjöldi frétta á erlendum miðlum þar sem kom fram hvað hún liti vel út og að hún hafi eignast barn fyrir ári síðan.
Kylie Jenner EXCL- she reveals her fabulous figure in a thong bikini in Caribbean https://t.co/biSTgHQxnM
— Daily Mail U.K. (@DailyMailUK) February 1, 2023
En nú er raunveruleikastjarnan í vandræðum. Netverjar saka hana um að hafa ráðið eigin paparazzi ljósmyndara og breytt myndunum í myndvinnsluforriti áður en þær voru seldar áfram til DailyMail og annarra miðla.
Einn netverji fór ítarlega yfir málið og benti á að ljósmyndarinn sem tók myndirnar er þekktur einkapaparazzi stjarnanna.
@culturework chargeback everything you bought from these people #kyliejenner #fyp ♬ Jeopardy! Game Show Theme (In the Style of Mev Griffin) – Instrumental King
Kim Kardashian, systir Kylie, hefur áður greint frá því að systurnar eru með eigin paparazzi ljósmyndara á launum og sagði ástæðuna vera svo aðdáendur þeirra sem endurbirta myndir af þeim lendi ekki í vandræðum. En netverjar telja að meira liggi þar að baki, eins og að þær vilji hafa eigin ljósmyndara svo þær geti farið yfir myndirnar og breytt þeim fyrir birtingu.
Btw since the paparazzi agencies won’t allow the fans to repost, all of my pics are taken by my own photog and you guys can always repost whatever you want ❤️ If I ever post from an agency I will tag them and I have permission. So those please don’t repost!
— Kim Kardashian (@KimKardashian) February 7, 2019
Margir benda á að sú Kylie sem við sjáum á Instagram – þar sem hún er með yfir 380 milljónir fylgjenda – er ekki sama Kylie og í raunveruleikanum. Netverjar hafa notað myndir af Kylie frá tískuvikunni í París til að styðja mál sitt. Stjarnan birti nokkrar myndir á Instagram og vilja netverjar meina að hún sé gjörólík sér á myndunum frá ljósmyndurunum á tískuvikunni.
View this post on Instagram
