Hvernig þú skynjar sjónhverfingu getur sagt ýmislegt um persónuleikann þinn, hvort þú sért bjartsýn eða svartsýn týpa.

The Minds Journal deildi sjónhverfingunni, sem er svarthvít mynd af ketti. Annað hvort sérðu köttinn vera að fara niður stiga eða upp stiga, og segir það ýmislegt um hvernig augum þú lítur á lífið.

Ef þú sérð köttinn fara upp stiga

Ef þér finnst eins og þú standir efst í stiganum og kötturinn sé að koma upp, þá eru líkur á því að þú sért bjartsýn og jákvæð manneskja samkvæmt The Minds Journal.

„Þú sérð möguleika til að þroskast,  hvert sem þú lítur. Þú hefur æft þig í því að standa bein og bera höfuðið hátt, þannig þegar þú færð tækifæri til að vera meiri maður, fremur en að leggjast niður á sama plan og einhver annar, þá velurðu að vera betri manneskja. Þú ert augljóslega metnaðarfullur einstaklingur og það getur enginn, nema þú sjálfur, komið í veg fyrir að þú náir langt.“

Ef þú sérð köttinn fara niður stiga

Þú ert svartsýnn efasemdarmaður ef þú sérð köttinn vera að fara niður stigann.

„Þetta gæti verið byggt á fyrri reynslu þinni í lífinu eða kannski bara hvers konar fólki þú hefur kynnst í gegnum tíðina, en það hefur orðið til þess að sýn þín á lífið hallar meira í neikvæðu áttina,“ kemur fram í The Minds Journal.